Isa sa mga matagal nang banda sa working class underground dito sa Pinas ang Killratio.
Pinalad akong mapanuod sila noong kalagitnaan ng mga taon sa 2000s na kasama pa ang mga orihinal (sa tingin ko) na mga miyembrong Kimmi (bass) at Boyet (gitara) sa ilang mga gigs pero sa ngayon wala na sa banda si Boyet at Kimmi, at sina Zepol (vocals) at Dane (gitara) nalang ang mga natitirang orihinal na mga miyembro.
Hindi ko sila kilala ng personal pero nagugustuhan ko ang ilang mga katangian ng banda na:
1. matinding matalinong liriko
2. madilim at mabigat na hardcore
3. Atheist views
4. naglabas muna ng mga demo bago tshirts
Kaso maliban sa isang apat na bandang split CD na inilabas noong 1973, wala pang sariling labas na musika ang Killratio. CDR at home-based dubbed tapes, madami, pero sariling vinyl o CD wala.
Ang daming mga baduy at hindi makabuluhang banda nilalabas sa vinyl sa panahon ngayon, pero itong Killratio hindi pinapansin.
Marahil tunay ang kasabihang, "Shit sells."
Well, Good Shit ang Killratio kaya hindi sila "mabenta."
